బాలీవుడ్ స్టార్ అలియా భట్ తాజా లుక్‌తో మరోసారి ఫ్యాషన్ ప్రపంచాన్ని ఆకట్టుకుంది. పెళ్లి తర్వాత, తల్లి అయిన తర్వాత కూడా తన స్టైల్‌తో అందరినీ ఆశ్చర్యపరుస్తున్న అలియా, ముంబైలో జరిగిన ‘చేతక్ స్క్రీన్ అవార్డ్స్ 2026’లో పూర్తిగా భిన్నమైన లుక్‌లో మెరిసింది.

ఈ ఈవెంట్‌కు అతిథిగా మాత్రమే కాకుండా హోస్ట్‌గా కూడా వ్యవహరించిన ఆమె, సంప్రదాయ గౌన్ లేదా చీరకు బదులుగా పవర్‌ఫుల్ బ్లాక్ టక్సీడోలో కనిపించి అందరి దృష్టిని తనవైపు తిప్పుకుంది. ప్రముఖ డిజైనర్ గౌరవ్ గుప్తా రూపొందించిన కస్టమ్ త్రీ-పీస్ సూట్‌లో స్ట్రక్చర్డ్ బ్లేజర్, వైట్ షర్ట్, స్కిన్నీ టైతో ‘లేడీ బాస్’ వైబ్ ఇచ్చింది. టైపై ఉన్న డైమండ్ హెక్సాగన్ ల్యాపెల్ ఆమె లుక్‌కు రాయల్ టచ్ ఇచ్చింది.

అలియా కెరీర్ ప్రారంభంలో పక్కింటి అమ్మాయిలా కనిపించిన ఆమె, ఇప్పుడు తన ఫ్యాషన్ సెన్స్‌తో కొత్త ఇమేజ్‌ను నిర్మించుకుంటోంది. మహిళలు ఏ లుక్‌లోనైనా పవర్‌ఫుల్‌గా కనిపించగలరని ఆమె మరోసారి నిరూపించింది. ఈ లుక్ సోషల్ మీడియాలో వైరల్ అవుతుండగా, అభిమానులు ఆమెను ‘మిసెస్ పర్ఫెక్ట్’గా ప్రశంసిస్తున్నారు.

ఇక సినిమాల విషయానికి వస్తే, ఆమె నటిస్తున్న యాక్షన్ థ్రిల్లర్ ఆల్ఫా జూలై 10న విడుదల కానుంది. ఆమె కొత్త ఫ్యాషన్ ఎంపికలు, సినిమాలు రెండూ ఈ ఏడాది ప్రేక్షకులను అలరించనున్నాయి.